قصيدة للشاعر العظيم ابو يوسف محمد بعنوان عمرك

استعرض الموضوع السابق استعرض الموضوع التالي اذهب الى الأسفل

قصيدة للشاعر العظيم ابو يوسف محمد بعنوان عمرك

مُساهمة من طرف Admin في السبت نوفمبر 22, 2014 5:03 pm


22.11.2014





أبو يوسف محمد
قصيدة عمرك
بقلم الشاعر أبو يوسف محمد
لما نكون عايشين
أحلام سنين ضايعين
لما نكون حاسين
بغربة وكمان تايهين
لما يكون الوجع فرحك
لما يكون الكلام دمعك
إيه يكون عمرك ؟
لما الحروف
فى بداية السطور
بتموت
لما الغناوى
فى عيون الصغار
مرة ومن غير صوت
لما الخطاوى تكون واخدانا
والدمعة تكون سابقانا
والفرحة تكون بشروط
لما تحس بمر السكوت
ويكون الكلام مووووت
لما تكون
نقط الحروف هم
لما يكون
ضحك العيون وهم
لازم يكون
وجع السنين فرحك
و إيه يكون عمرك ؟
لما يكون عمرك
شك وظنون
لما تكون
نقط الدموع
جوة العيون
تنزل وتبكى
برة الجفون
كله يهون
لما يكون صاحب
عمره ما كان صاحب
ياخد الفرح منك
ويسيب الألم صاحب
ولما تصاحب
تصاحب كمان وجعك
إيه يكون عمرك ؟
لما تقول أيوة بألف لا
لما تكون الضحكة
تبكى بألف أه
وليه الفرح موجود
بس الوجع جواه
ليه الفرح موجود
بس الطريق تاه
لما تكون الغيوم شمسك
لما يكون السواد قمرك
إيه يكون عمرك ؟
لما يكون عمرك
نفسك تداوى الجرح
نفسك تشوف الفرح
لما يكون جواك
أحلام سنين عايشاك
لما كمان تنساك
عيون حبيب عاشقاك
إوعى فى يوم تحسب
إن الزمان و ياك
ولا عمره كان ضهرك
انسى فى يوم حلمك
انسى كمان نفسك
وانسى كمان .. عمرك
إلغاء إعجابي

Admin
Admin

المساهمات : 134
تاريخ التسجيل : 24/10/2014

معاينة صفحة البيانات الشخصي للعضو http://qwer.libyafreedom.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى